JINGHPAW TINGSAN: sumtang

Showing posts with label sumtang. Show all posts

Showing posts with label sumtang. Show all posts

Nov 29, 2017

HAPPY BIRTHDAY JINGHPAWTINGSAN

ka ai ten : 3:55 PM Lit hkam: TS

Jinghpawtingsan blog 5 ning hpring sai..n dai jinghpawtingsan blog hpe shangai lu na matu a hkaw a hkang jaw ya ai madu karai a chyeju hpe shanwg ning nan shakawn mayu n ngai..bai na n nan hpang ai kaw na ya daini ten du hkra hkrak tim n hkrak tim , jaw tim n jaw tim, gaja tim n gaja tim matut manoi n gun jaw let jinghpaw tingsan hte rau online hkrung lam kaw hkawm sa nga ai manaw manang ni yawng hpe grai chyeju dum ai lam tsun mayu ai hku re..

grai chye ai majaw blog hpe galaw taw ai n re sha galaw let hkaja la taw ai wa re majaw ra rawng shut shai ai lam ni grai law wa na sai..hpa me rai rai n chye shi ai manaw manang ni a matu lakang ning gam langai mi tai let dang di ai ram shakut lai wa sai..

lani mi na n htoi hta ngai si mat wa tim jinghpawtingsan blog gaw anhte jinghpaw wunpawng myu sha ni a matu jut shara mi kaw na a kyu jaw ya ai blog langai re nga jang ngai myit dik sai..

ngai si mat wa tim jinghpawtingsan blog gaw online n tsa naw hkrung taw nga na re ngu myit mada let.....
Jinghpaw Tingsan

Mar 14, 2014

SIMSA KASA JOURNAL VOLUME 10

ka ai ten : 4:21 PM Lit hkam: TS

Na Matu Lakang Ning Gam Langai Ram Sha Pi Byin Tai Ya Lu Na Matu Myit Mada Let...........Jinghpaw Tingsan

Mar 10, 2014

TINGSAN A HKAM SHA LAM...

ka ai ten : 4:18 PM Lit hkam: TS

Ndai laman Facebook n tsa kaw ( 101 ) hte seng na Grai garu taw ai hpe mu lu ai shaloi...

Tingsan a hkam sha lam mung tsun mayu ai le..

Anhte jinghpaw wunpawng myu sha ni gaw
Du ai shara kaw e Hpung Garan wa..
Du ai shara kaw e Sai gayau wa...
Du ai shara kaw e Myu ginhka wa.
Gara hku rai na Mungdan lu na ta..dai hku she naw rai taw yang galoi mung lu na n re..( Tingsan langai hkrai a ningmu )

ya mung 101 hte seng na Myu grai bai ginhka hkat wa nga ma ai.

Moi lai sai ten ni hta makam masham lam hta mung Garan hkat mat wa sai ..

ya dai ni na ten hta nlaw la ai anhte myu ni kalang bai Garan mat wa yang gaw nmai na kun..

Jinghpaw Tingsan gaw Jinghpaw shadang langai re..

Rai tim Jinghpaw Tingsan Blog kaw Hpu nau myu sha ni yawng hte seng ai hpe mara da ai..

hpa myu laking mi rai rai Tingsan a matu gaw Annau ni hku na sha mu ai..

dai zawn Anhte ni yawng tinang a laika hte aga hpe mung chye nan chye da ra na re..

Tinang a laika hpe pi tinang n chye yang gaw gara hku di na myu hpe pawn ba la na..

tinang a laika hpe chye ra ai zawn Annau ni yawng a madung laika rai nga ai jinghpaw laika hpe mung chye ra na re ..

Annau ni hkrum yang Jinghpaw Ga hte Jinghpaw laika hte mai tsun mai shaga hkat ai ..( Translater hte gaga myu ni a Ga hpe n lang ra na sai. )

anhte myu sha ni a matu Ahkyek ai ngu mu lu nga ai ..

( Hpu nau Hkang ni hpe mu ai shaloi Hkang shada da hkrum tim Myen ga she shaga nga ma ai ) hpa majaw nga yang shanhte kaw anhte zawn re Ga madung nlu ai majaw rai nga ai )

Anhte Hkyik hkam la ai myu sha ni wa hpa majaw Moi na zawn rai myit n hkrum ma sai kun..

Dai mungdan kaw na ni Hpung garan mat wa sai da..

Dai ni gaw Myu ginhka ai ni re..

Dai wa gaw Sai gayau ai wa re ........ nga Gasi ni hpe na lu yang Myit hta Ram Ram Npyaw ai ...

rai tim ganing mung n chye di ai..yawng gaw Tinang a hpu shawng hpu ba ni hkrai rai taw ...

( Ma zawn zawn Myit hkrup ai Ningmu langai sha re )

Na Matu Lakang Ning Gam Langai Ram Sha Pi Byin Tai Ya Lu Na Matu Myit Mada Let...........Jinghpaw Tingsan

Mar 9, 2014

( KACHIN ) NGU AI LABAU

ka ai ten : 2:27 PM Lit hkam: TS

KACHIN ngu ai gara kaw nna byin pru wa ai kun?

Daini anhte Jinghpaw Wunpawng Amyu sha ni ( Kachin ) nga ai nsen na ai kaw nna gaw, tinang hpe tsun ai re ngu ai hpe chye lu nga ai. Raitim ndai aten du hkra, (Kachin) ngu ai tinang hpe kadai shamying ya ai kaning rai nna anhte Jinghpaw wunpawng Sha ni ( Kachin) ngu ai byin wa ai lam hpe atsawm n hkaja ai gaw, shaning kade law tim tinang jawn nga ai gumra Ayi Ala re ai kun nchye ai jawn tik tik re ai hte bung nga ai.

Laiwa sai, 2001 - 2002 ning January shata na Jinghpaw Wunpawng Hkumra Manau hta pyi Jinghpaw ngu ai mying hpe di kau nna, (Kachin) Wunpawng Hkumra Manau ngu nga ai ni pyi nga wa sai. Raitim (Kachin) ngu ai, Gara kaw nna byin ai hpe kadai hkrak nchye sagawn, nchye tsun ai, warn warn dam dam nga tsun garu ai hkrai rai nga ai.

Kaja nga yang ( Kachin ) ngu ai shingteng amying gaw, Moi anhte Jinghpaw Wunpawng Sha ni, Malihku Majoi, Hkranghku Majoi, Chyaihku Majoi, ban hte ban shara hte shara yu hkrat wa ai shaloi, Jini Wa ni shamying dat ai (Kachin) nre. Ndai (Kachin) hte seng nna, Sarakaba, (Tigent field) ka ai laika hta mung, wam wam dam dam nga ka da ai hpe sha mu lu ai. Sara Zau Tu tsun ai Sara Kaba,(Kencriade) wa Kahkyeng ni the hkrum ai nga ai daram sha chye lu ai.

Dai hpang Rev; Maran Yaw bai ka ai laika hta mung ( Kachin) ngu ai gaw Mahkri ka, nga ai, tsun ai kaw nna zawn zawn wam wam dam dam hku sha ka da ai hpe mu lu ai. Bai nkau mi gaw Myen Hpunau ni e ka manawt mayu ai amyu ni ngu ai kaw nna (Kachin) ngu ai re, nga nna mung Ga uli ulam chyu tsun ma ai. Gara mung nteng ai. 1952 ning hta Myitkyina Manau kaw, Myen nkau mi Manau pa e ( Kachin) nga ai gaw, hpa lachyum re ni? nga san ma ai. Ya laika ka ai wa gaw lai loi hte K ngu, ka mayu, manawt mayu ai amyu re ngu tsun dat ai. Dai kaw nna ka mayu ai amyu ni re da nga wa masai. Kaja wa nga yang laika ka, ai wa tsun ai mung njaw ai. Myen wa san ai hpe htai na matu tsawm daw tsun dat ai sha re. Moi prat nna Jinghpaw
ni hpe shamying ya ai mying mung nre.

Kaja wa hkrak teng ai hku nna labau gaw, lawu na hte maren re. Moi shawng de Inglik Asuya wa gaw, Lawu Myen mung hpe kasat up lu ai hpang, 1837 ning e Lahta Myen mung hpe mung, matut kasat dang kau lu ai lam hpe chye lu ai. Dai shaning hta sha, lahta Myen mung Mandalay (Ava kaw) Inglik (Special commissionor) Du kaba langai dung nna Up sai lam chye lu ai.

Dai shaning jang lahta Myen mung de Du kaba(special commission) wa gaw, shi lawu na Wundawk madang nga ai Duwa hpe Mandlay nna lahta myen mung de kaning re ai masha ni nga ma ai kun? nga yang shanhte hpe kaning di up yang mai na kun? chye na matu, hkaja na matu, shangun dat wu ai.

Dai Inglik Duwa hpe makawp maga ya na matu, Inglik Capt Du kaba langai hte Hpyen ma latsa shalawm dat ya wu ai. Dai aten hta American Sasana Sara kaba ( Kencrieke,) ngu ai wa mung Mandlay e du taw nga sai. Shi mung Ingiik Mung Du ni Myen mang Dingdung ( North most of Burma) de lung jang shi mung hkan nang mayu ai lam hpe (Special commissionor) Du kaba wa hpe tang shawn wu ai. Dai ten hta Sasana Sara Kaba ni hte Inglik Asuya gaw lata matut galaw nga ai majaw, Sara Kaba (Kencrieke) hpe hkan nang na ahkang jaw mu ai.

Inglik Asuya wundak madang Duwa hte Hpyen Hpung ni, Jinghpaw mung Manmaw de Hkalam sanghpaw li hte lung wa yang Manmaw makau e Kahkyeng ngu ai amyu ni hte shawng nnan hkrum ma ai. Nanhte kadai law? ngu Inglik Du ni san yu yang anhte gaw Kahkyeng ni rai ga ai ngu htan tsun ma ai. Dai “Kahkyeng”ni gaw grai sumnung myit-su ai ni re hpe chye jang hpa n kasat ai sha Jinghku galaw wa masai.

Dai majaw Kahkyeng ni hte kasat nra mat ai hta n-ga, “Kahkyen”a galaw lu galaw sha ai lam, Mare up hkang ai lam, Yi sun hkauna galaw sha ai lam, Hpyen majan kasat ai lam, Numwawn Numla lam, Dum nta gap mare de ai lam amyu myu hpe azin ayang san sagawn la ngut jang Mandaly Ava de bai nhtang yu wa nna Wundawk Duwa gaw,(Special Commissionor) a Rung de, Kahkyeng ngu ai ni hte hkrum ai lam(Report)jaw nna shi hkrum ai lam laika tang wu ai.

Dai shani kaw nna Inglik Asuya Rung de Kahkyeng ngu ai Jinghpaw ni a mying gaw rawng hpang mat wa sai. Dai hpang Inglik ni gaw lang hte lang Jinghpaw Mung de lung nna, shanhte a mung masa lam ni hpe maden jat mat wa masai. Manmaw, Myitkyina, Sadawng, Sama, Kamaing, Danai Hugawng hte Sumpra Bum Putao shara magup lu up sha lu masai. Shara nkau mi hta Jinghpaw ni hte grai kasat nna she lu up ma ai. Gashadawn Sadung, Sama, Laja Maikung, zawn re ai shara ni hta tsam mari she Jinghpaw ni hpe kasat dang lu ma ai.

Dai hpang 1890 ning hta Kahkyeng ngu ai mying hpe Rung e bungli galaw ai jare ni lata hte shawng ka tawn ai Kahkyeng ngu ai mying hpe hpang de shaning na jang Myi yu kaprau nna 53 ning na jang she Kahkyen ngu ka da ai hpe Rung Jare Hpung hte Hpung a lakhtak e (Kachin) ngu ka kaprau kau ai kaw nna dai ni du hkra ( Kachin) rai mat ai hpe Inglik Asuya ni ka tawn ai labau hta dai hku rawng nga ai hpe mu lu nga ai.

Hpang e grai na mat wa ai shaloi, (Singhpaw) ni, Chyinghpaw ni, Jinghpaw ni, Maru, Lashi, Gauri, Azi, nga nna amyu myu mying ai lam hpe chye sagawn tim, Inglik Asuya ni a Rung kaw gaw “Kachin”ngu ai sha rawng nga ai re. Jinghpaw ni a lam hte seng nna ( Kachin) ngu ai chyu sha, dai ni du hkra tsun nga ai re nga nna, “The Kachins” nga ai Inglik laika buk hta mu lu nga ai law. Dai gaw (Kachin) byin wa ai lam rai nga mali ai law.

Duwa Maran Zau Awng

( Matsing: N'dai laika ngau hpe Kachin Net kaw nna la bang da ai.)

Na Matu Lakang Ning Gam Langai Ram Sha Pi Byin Tai Ya Lu Na Matu Myit Mada Let...........Jinghpaw Tingsan

Sep 3, 2013

NU TSUN AI GA HKAW MI..( Ningmu )

ka ai ten : 12:44 PM Lit hkam: TS

Tingsan Moi gaji ai kaw na chying hkai Wa nnga mat ai majaw.. Annau ni a shat kan hte hpaji lam a matu Chying hkai Nu hkrai Shakut ra sai..

Tsaw ra ai Nu maigan sumtsan ga de Hpa-ga ga hkawm mat wa sai..Dai ten kaw na Ya dai ni ten du hkra Nu hpe n mu ga mat sai..Rai tim

Nu a tsawra myit hte rau n lu nga tim nu a n gun jaw ga ni hte Rau rai nga ai.. Nu hte telephone shaga shagu Nu tsun ai Ga hkaw mi hpe galoi tim myit dum taw nga ai..

( Nan nau ni hpaji shakut mu tinang lagaw tinang lu tsap hkra shakut mu,
Nu hpe bai n bau ra ai ..Nu hpe bai bau na matu nan nau ni hpe Nu shangai da ai nre ai da..)

Dai Ga hkaw mi hpe myit dum dat ai shaloi..Tsun mayu ai lam langai mi pru wa ai ..
Ya dai ni anhte Kanu , Kawa nkau mi tinang a kasha ni hpe shangai shaprat bau kaba wa ai shaloi..

Tinang a kasha ni kaw na myit mada lam hte bau maka taw ai kun..
nye a kasha kaba wa jang..hpaji chye jang ngai hpe bai n htang yu na re..
ngai hpe bai bau na re..ngu ai myit mada lam ni hte sak hkrung taw ai kun...
Kasha ni myit n lawm tim..tinang myit ra ai hku tsun shatut taw ai kun..

grau na gaw hpaji lam yan hta..kasha ni a ra sharawng ai lam hpe n myit ya ai sha tinang a ( parents power ) hte wo ra jawng lung u..n dai jawng lung u nga nna tsun taw ai kun..
tinang shangai da ai kasha ni tinang myit ra ai hku n rai wa jang gaw nye a kasha ni myit n su ai nga na bai hkam la taw ai kun..

ya dai ni dai zawn re kanu, kawa ni a majaw maigan ga de du wa ai anhte wunpawng myu sha n kau mi..tinang ganing re lam kaw myit lawm ai hpe n chye mat sai..ganing re kan bau
bungli hta hka ja ra na re hpe tam n mu mat ai , Lam dam taw ai sagu kasha ni zawn re grai law nga sai..

Dai majaw tinang a kasha ni hpe myit mada ai lam hte bau maka taw ai rai yang gaw myit dum hpa lam rai na re..kasha ni hpe lam madun ya ai hte kasha ni a yaw shada lam hpe n gun jaw chye ai kanu kawa ni she byin tai hkra shakut ra na sai...

ndai post gaw tingsan langai hkrai a ningmu hpe ka tawn ai re majaw n htan shai ai lam ni grai nga na re..anhte myu ni a htung hking nan kanu kawa ni hpe bai n htang yu ai myu ni re

majaw maigan madang hte myit dat jang gaw ram ram naw shai taw ai hpe mu lu ai hku re..
hpa mi rai rai Nu tsun ai Ga hkaw mi hte yawng hpe n gun jaw dat nngai law..

jinghpawtingsan

Na Matu Lakang Ning Gang Langai Ram Sha Pi Byin Tai Ya Lu Na Matu Myit Mada Let...........Jinghpaw Tingsan

Mar 19, 2013

MYIT HKRUM NGA GA I WUNPAWNG NI ( Ningmu)

ka ai ten : 7:47 PM Lit hkam: TS

Anhte jinghpaw wunpawng myu sha lapran kaw e tsun gajai hkat ai lam langai gaw wunpawng shadang ni hte wunpawng shayi ni a nang shut ngai shut ngu ai lam langai rai nga ai..

wunpawng shadang..( yawng n re )
anhte wunpawng shadang ni mung tsa ya , hkyi-ya ni grai law ai hte dinghku langai hpe woi zinlum lu na ram a tsam nnga ai majaw wunpawng shayi ni n kam gying ai ngu mu mada na maigan la, la ma ai ni law wa ai kun ?

shing nrai wunpawng shadang ni mahtang wunpawng shayi ni hpe n kam la ai majaw kun ?

wunpawng shayi ni hpe sa hpyi ai hpu manu grai kaba ai majaw kun ?
majaw a majaw ni grai law na re..

wunpawng shayi ( yawng n re )
anhte wunpawng shayi ni mung tinang prat a matu grau gaja ai hpe lata mat wa ai majaw wunpawng shadang ni hte tsan mat wa ai kun ?

maigan la ni mahtang wunpawng shadang ni hta grau na atsam rawng taw ai majaw kun?
majaw a majaw grai law na re..

rai tim....

wunpawng shayi langai mi maigan la hte sumtsaw rai mat yang
( kachin ma so loi loi lay ) ngu tsun ai ga ni myu maigan ni lapran kaw na grai na lu wa ai hku re ..
( dai hku tsun ai hpe na jang w-p shadang ni grai myit machyi ai rai tim w-p shayi ni nan lawm taw ai majaw)

wunpawng shadang langai mi myu maigan num ni hte sumtsaw tsaw mat yang hkra machyi ai lam gaw nau n nga ai hpe mu lu ai hku re..
(w-p shayi langai mi myu maigan ni hpang de lawm mat na matu a hkaw a hkang lu mat ai hte bung na re )

tsun mayu ai madun gaw ahhte shada ginhka hkat let mara jaw taw yang gaw lapran kaw na myu maigan ni yu gaji kau let loi loi hte sai lu garan kau ya na hpe myit dum nga ga...
shada myit rum / myit hkrum nga ga oiii... ngu nna ningmu langai tsun shapraw dat nngai..

matut na wunpawng shayi ni mung bai tsun jaw
wunpawng shadang ni mung bai tsun jaw n rai saga i..hpunau ni e

by jinghpawtingsan

Mar 5, 2013

MALI HKANU YUPMANG ZAWN ( Maumwi - audio )

ka ai ten : 6:29 PM Lit hkam: TS

Moi Moi de na jinghpaw sumrai maumwi langai hpe audio hte bai madat marit maroi chyai lu na matu mara dat ya nngai..moi de na mying kaba ai yu-ngwi ninghkring kaba tingkaw tawng, brang nan. hkun bawm ni shang lawm n sen bang da ya ai hku re..

moi na ni gaw n sen hte mahkawn hkawn ai sha n galaw ai hpe chye lu ai majaw grai kabu ai..jinghpaw tingsan gaw kalang pi n na ga shi ai n dai baw jinghpaw maumwi hpe n sen hte shapraw da ai hpe..

blog du sa manaw manang ni mung rau ai ten hta jinghpaw maumwi bai madat chyai let moi na jiwoi jiwa ni maumwi hkai dan ai zawn nga hkam sha marit maroi yu ga i.yawng hpe grai chyeju kaba sai law..

Feb 27, 2013

W-P MYU SHA NI HTE W-P BLOG NI..

ka ai ten : 2:06 PM Lit hkam: TS

W-P Blog ni hte w-p Myu Sha Ni..

Ya Dai ni na w-p Blog madu ni hte w-p blog ni website ni hkan hkawm chyai nga ai w-p myu sha ni hte seng na ningmu langai ka mayu ai hku re..

http://wunpawngunited.blogspot.com kaw shang yu dat ga..
jinghpaw wunpawng myu sha ni galaw da ai blog hte website ni yawng 50 jan rai na re..
rai tim dai blog hte website ni hkan update byin taw ai blog ni gaw 5 hta n jan ai hpe nang mu lu na re..

( Hpa majaw rai )

n kau mi gaw blog ngu ai hpe chye galaw ai majaw galaw dat ai.
n kau mi gaw masha ni galaw na tinang mung bai galaw chyai ai..
n kau mi gaw myit lawm na galaw ai..
n kau mi gaw tinang a hkam sha lam ni , shamu shamawt lam ni..
tinang chye da ai ni hpe bai garan mayu na galaw ai.
lam a myu myu hku na blog langai hpe galaw dat sai..

( Rai tim )

hpa majaw dai blog ni gaw n hkrung ai blog ni rai mat ma ai kun ?
ten n lu jaw mat na blog hpe n ka mat ai ni..
blog ngu ai hpe chye ka mat ai majaw grau tsaw ai madang de shakut mat wa ai ni..
sa du n gun jaw ai masha n nga ai majaw myit daw mat ai ni..
lam a myu myu nga na re..
Blog ka ai ni yawng gaw ja gumhpraw lu na galaw taw ai langai mung n lawm na re..
grai byin grai ram taw na galaw ai mung n lawm na re..
grai chye grai byin mat ai ni yawng gaw tinang chye da ai hpaji hte n chye shi ai ni hpe bai garan gachyen ya na matu ten nlu jaw ai hpe nang ngai yawng mu lu na re..
dai majaw n chye n chang n kung kyang ai ni she tinang chye da ai ram hpe bai garan gachyen ya taw ai ni law na re ngu mu mada ai..

tinang myit lawm ai hpan hpe dai blog ni hkan tam n mu ai majaw kun.
shing n rai blog ni hpe hti n gun jaw na ram ten n nga ai majaw kun..
dai blog ni gaw tinang hta grau na madang nyem taw na kun..
jinghpaw wunpawng myu sha ni galaw da ai blog rai na n gun n kam jaw ai kun..
jinghpaw laika a tsawm n chye hti na kun..
lam a myu myu nga na re..

dai zawn re lam a myu myu nga ai hta blog ka ga ai masha ni yawng a myit kaw rawng ai lam langai gaw nga ai..dai gaw blog du sa manaw manang ni a n gun jaw ga..hpaji jaw ga ni hpe myit mada ai hkrai rai na re..
tinang gade myit daw wa ai ten hta tim dai blog du sa manaw manang ni a myiman hte n gun jaw ga ni a majaw bai matut ka na matu n gun nnan ni lu wa ai hpe yawng ni chye na re..

blog hkawm ai manang ni mung tinang ra gadawn taw nga ai lama ma hpe dai blog kaw na lu la mat wa jang grai myit dik ai, myit pyaw na re....
tim tinang n dum ai langai gaw dai zawn tinang ra taw ai hpe jaw ya ai blog madu ni hpe chyeju dum lam n gun jaw ai lam tsun kau da na hpe malap ai ni grai law nga na re..
n kau mi gaw tinang ra ai hpe la mat wa ai ..
n kau mi gaw majoi shang yu kau da ai..
n kau mi gaw hpaji jaw ningmu ka kau da ai..
n kau mi gaw myit kaw na chyeju dum taw ai ...
lam a myu myu hku na ningmu langai lu la mat wa ai ni mung grai law na re..

rai tim tsun mayu ai manghkang gaw hpa majaw jinghpaw wunpawng myu sha ni galaw da ai blog ni gaw law na update n byin ai rai..
sa shang n gun jaw ai masha n nga taw ai rai..
jinghpaw laika hte galaw da ai blog ni yawng gaw jinghpaw laika hpe tsawra ai ni hkrai rai na re..
dai zawn jinghpaw laika hpe tsawra ai manaw manang ni mung jinghpaw laika hte galaw da ai blog ni hpe n gun jaw hpaji jaw ningmu ni hting lai hkat rai na shada garum shingtau hkat wa yang anhte jinghpaw wunpawng myu sha ni gade myit hkrum gahkin hkumdin nga ai hpe maigan myu sha ni a man kaw katsi kaja tai lu na re ngu shadu ai..

myenmung masha re majaw grau na tinang a laili laika hpe makawp maga ra na re..ya dai ni na myu maigan kaba ni yawng gaw tinang a laili laika hpe manu shadan ngut ai hpang she gaga myu maigan ni a laili laika hpe bai sharin hka ja ai hpe mu lu na re..

tim anhte jinghpaw wunpawng myu sha ni gaw myu maigan ni a laili laika hpe shawng hka ja taw ai ni grai law na re..
jinghpaw laika n chye tim maigan ga chye jang grai arawng lu ai zawn tsun ai ni mung grai law mu ga sai..
nang maigan ga gade chye gade shaga tim hpang jahtum na a laili laika hpe san wa ai shani nang gaya hkrum na jin jin rai na re..
tinang gaw ganing re lam n tsa kaw tsap taw ai i.. loi myit yu ga..

( tinang gaw blog ka ga ai wa rai jang blogger maga de na ningmu langai hpe gwi gwi ka da ga..)
( tinang gaw blog hkan hpaji la hkawm chyai taw ai wa rai jang tinang na ningmu hpe gwi gwi ka da ga..)

[ mahtai langai gaw pru wa na re ngu shadu ai hku re..]

jinghpawtingsan a ningmu langai sha re majaw ningmu shai taw ai ni grai law na re..
yawng hpe grai chyeju dum let
jinghpawtingsan

Jan 31, 2013

KBC STATEMENT

ka ai ten : 1:23 AM Lit hkam: TS

ကခ်င္ေဒသတြင္းစစ္မက္ၿဖစ္ပြားေနမွဳအေပၚ ကခ်င္ႏွစ္ၿခင္းခရစ္ယာန္အဖြဲ႕ခ်ဳပ္၏သေဘာထားထုတ္ၿပန္ခ်က္

ကခ်င္ႏွစ္ၿခင္းအဖြဲ႕ခ်ဳပ္သည္ (၁၉၁၀) ခုႏွစ္မွ စတင္ဖြဲ႕စည္းထားၿပီး ၿမန္မာနိဳင္ငံတစ္၀ွမ္းလံုးႏွင္႔ ကဘတစ္လႊားရွိ ကခ်င္တိုင္းရင္းသား အမ်ားစုဖြဲ႕စည္းထားေသာ ကခ်င္ႏွစ္ခ်င္းခရစ္ယာန္ အဖြဲ႕ခ်ဳပ္ၿဖစ္သည္။ ထိုအၿပင္ ၿမန္မာႏိုင္ငံ ႏွစ္ၿခင္းအသင္းခ်ဳပ္၏ အဖြဲ႔၀င္တစ္ပါး အၿဖစ္ ကမာၻ႔ႏွစ္ၿခင္း အဖြဲ႕ခ်ဳပ္၏ အဖြဲ႕၀င္တစ္ပါး ၿဖစ္ကာ သန္းေပါင္းႏွစ္ေထာင္ေက်ာ္ေသာ ကမာၻတစ္၀ွမ္းရွိ ခရစ္ယာန္ဘာသာ၀င္မ်ား ႏွင္႕ဆက္သြယ္ေနေသာ အဖြဲ႕ခ်ဳပ္ ၿဖစ္သည္။ ကခ်င္ႏွစ္ၿခင္း ခရစ္ယာန္ အသင္းသူ အသင္းသားမ်ားသည္ ၿငိမ္းခ်မ္းၿခင္းႏွင္႕ တရားမွ်တ မွဳကို အေလးအနက္ တန္ဖိုးထားသူမ်ားၿဖစ္သည္။

၂၀၁၁ ခုႏွစ၊္ ဇြန္လ (၉) ရက္ေန႕ မွ ကခ်င္ေဒသတြင္း စတင္ၿဖစ္ပြားေသာ စစ္မီးသည္ ႏိုင္ငံေတာ္သမတ မွ ကခ်င္ေဒသတြင္း ထိုးစစ္ရပ္ရန္ (၂၀၁၁) ခုႏွစ္ ဒီဇင္ဘာလ (၁၀) ရက္ေန႕တြင္တစ္ၾကိမ္၊ (၂၀၁၃) ခုႏွစ္ ဇန္န၀ါရီလ (၁၉) ရက္ေန႕ တြင္တစ္ၾကိမ္ အပစ္အခတ္ရပ္ဆဲေရး ေၾကာ္ၿငာခ်က္မ်ားကိုထုတ္ၿပန္ခဲ႕ေသာ္လည္း ယေန႕အခ်ိန္ထိ ဓါတုလက္နက္ အပါအ၀င္ လက္နက္ၾကီးမ်ား၊ စစ္ရဟတ္ယဥ္၊ တိုက္ေလယဥ္မ်ား စစ္အင္အား အေၿမာက္အမ်ားအသုံးၿပဳကာ ထိုးစစ္ဆင္ေနပါသည္။

ထိုသို႕ ထိုးစစ္ဆင္ေနမွဳ ေၾကာင္႕ ႏွစ္ဖက္ အရာရွိ စစ္သည္မ်ား အမ်ားအၿပား အသက္ေပးခဲ႔ရၿခင္း၊ အၿပစ္မဲ႔ ၿပည္သူမ်ား ေၿမာက္မ်ား စြာထိခိုက္ ေသေက်ၿပီး အသက္အိုးအိမ္ ပ်က္စီးဆံုးရွဳံေနၿခင္း သည္ နိဳင္ငံေတာ္ ႏွင္႔ နိဳင္ငံသားမ်ား အားလုံး၏ ဆံုးရွံဳးမွဳ ၿဖစ္ပါသည္။ လက္ရွိအခ်ိန္တြင္ စစ္ေၿပးဒုကၡသည္မ်ား (၁၀၀,၀၀၀) ေက်ာ္ရွိေနၿပီ ၿဖစ္ပါသည္။

ဤစစ္ဒဏ္ေၾကာင္႔ မိမိတို႔အသင္းသားမ်ားေနထိုင္ရာေက်းရြာေပါင္း (၂၀၀) ေက်ာ္ပ်က္စီးဆုံး ခဲ႔ရသည္႔ အၿပင္ မိမိတန္ဖိုးထားေသာ သန္႔ရွင္းၿမင္႔ၿမတ္သည္႔ ဘုရားဝတ္ၿပဳေက်ာင္း (၆၆) အားဖ်က္ဆီးၿခင္း၊ အခ်ိဳ႕ဘုရားဝတ္ၿပဳေက်ာင္းမ်ားတြင္ ညစ္ညမ္း ယုတ္ညံ႔သည္႕ လုပ္ရပ္မ်ားလုပ္ေဆာင္ၿခင္း မ်ားကိုၾကံဳေတြ႕ရသည္႕ အၿပင္ စစ္ေရးအေၿခအေနမ်ား ပိုမိုၿပင္းထန္ဆိုးဝါလာေနမွဳေၾကာင္႕ ကခ်င္ႏွစ္ၿခင္းခရစ္ယာန္ အဖြဲ႕ခ်ဳပ္မွ လြန္စြာဆိုးရိမ္ကာ ေအာက္ပါ အခ်က္မ်ားကို အေလးအနက္ ထုတ္ေဖာ္ေတာင္းဆိုတိုက္တြန္းလိုက္ပါသည္။

၁။ ႏိုင္ငံေတာ္သမၼတၾကီး၏ “ထာဝရၿငိမ္းခ်မ္းေရးလမ္းၿပေၿမပံု” ေဖာ္ေဆာင္ေနသည္႕ကာလ အတြင္း တိုင္းရင္းသား ညီအစ္ကို မ်ားအၾကား ယုံၾကည္မွဳ ႏွင္႕ စည္းလုံးညီညြတ္ေနကိုထိခိုက္ပ်က္ၿပားေစသည္႕ ကခ်င္းေဒသအတြင္း စစ္ေရးတိုက္ခိုက္မွဳကို ခ်က္ခ်င္းရပ္တန္႕ေပးရန္။

၂။ အၿပစ္မဲ႕ ၿပည္သူမ်ား၏ အဘက္ဘက္ေသာလုံခ်ဳံေရး ကို ေရွးရွ၍ ကုလသမဂၢႏွင့္နိဳင္ငံတကာ လူသားခ်င္းစာနာေထာက္ထားေသာ အကူအညီေပးသည္႔ အဖြဲ႔ အစည္းမ်ားအား အကူအညီလိုအပ္သည္႕ ေနရာအားလုံး သို႔ အတားအဆီးမရွိ၊ အၿမန္ဆံုးႏွင္႔ အထိေရာက္ဆုံးကူညီခြင္႔ေပးရန္။

၃။ ၿပည္သူမ်ား အား ဥပေဒ မဲ႕တိတ္တဆိတ္ဖမ္းဆီးၿခင္း၊ လံုၿခံဳေရးအေၾကာင္းၿပၿပီ မတရားဖမ္းဆီးၿခင္း၊ စစ္ေရွာင္စခန္းမ်ားသို႕ ပစ္ခတ္ၿခင္း၊ မီးရွိဳ႕ၿခင္း၊ အမ်ိဳးသမီးမ်ား အဓမၼျပဳက်င့္ျခင္းမ်ားမၿပဳလုပ္ရန္ႏွင္႕ အၿပည္ၿပည္ဆိုင္ရာ လူ႕အခြင္႕အေရးသေဘာတူညီခ်က္မ်ားကို ေလးစားလိုက္နာရန္။

၄။ အဓမၼနည္းအားျဖင့္ ၿငိမ္းခ်မ္းေရးရယူရန္ ၾကိဳးပမ္းၿခင္းသည္ ေရရွည္တည္တံ႕မည္ဟု မယံုၾကည္ပါ။ စစ္မွန္ေသာ တရားမွ်တေသာၿငိမ္းခ်မ္းေရး ရရွိႏိုင္ရန္ “တိက်ေသာမူဝါဒမ်ား၊ လုပ္ငန္းစဥ္မ်ား” ခ်မွတ္ကာ နိဳင္ငံေရးေတြ႕ဆံုေဆြးေႏြးၿခင္း အၿမန္ဆုံးၿပဳလုပ္ရန္။

တရားသၿဖင္႕စီရင္ေသာ ရွင္ဘုရင္သည္ တိုင္းၿပည္ကိုတည္ေစတတ္၏။

တံစိုးစားေသာ ရွင္ဘုရင္မူကာ တိုင္းၿပည္ကို ေမွာက္လွန္တတ္၏။ ( သုတ္တံက်မ္း ၁၉:၄)

ကခ်င္ႏွစ္ၿခင္းခရစ္ယာန္အဖြဲ႕ခ်ဳပ္

၂၀၁၃ ခုႏွစ္ ၊ ဇန္နဝါရီလ (၃၀)ရက္။

SHAWNG LAM NGUN

ka ai ten : 12:02 AM Lit hkam: TS

Lam shagu hta n dai mungga ni hpe myit n’gun la let shakut sa wa ga law...

( 1 ) Israela amyu e madat la mu; anhte a Karai Kasang Yehowa gaw shi chyu sha Yehowa rai nga ai. Dai na a Karai Kasang Yehowa hpe na a myit masin mahkra hte, na kraw lawang ma hkra hte na a n-gun lagaw mahkra hte tsawra nga u.

( 2 ) Israela amyu e madat u masha hpyen ni hpe gasat na dai ni hkyen ngut manit dai, dai rai n-na shan hte a majaw myit hkum hten et,hkum hkrit hkum gari, hkum kajawng hkum ma myit. kaning rai n-me law nanhte a Karai Kasang Yehowa gaw masha hpyen ni hpe manga kau nna nan hte hpe hkye la na nga nanhte hte rau sa wa nga ai ngu na rai wu ai.

( 3 ) Yehowa e ndang kalang hkat ai ni hte nang n-dang kalang hkat u, ngai hpe hkyen gasat ai ni hte hkyen gasat u, N-gang kaling hte n-gang galu la nna ngai hpe karum na rawt u Ri mung dawn nna ngai hpe hkan shachyut ai ni alam pat kau u, na a hkye hkrang la ai lam ngai rai nga nngai nga nna nye a myit masin hpe tsun u.

( 4 ) Karai Kasang e lukmu rai hkum nga et, Karai wa e atsin atsu hkum rai nga et,Yu u nang hpe gum lau ai ni gabrawng nga n-na Nang hpe n-dawng ai ni baw sharawt ma ai. Na a amyu hpe hpaji daw n-na nang makawp maga ai ni a lam bawng nga ma ai.

( 5 ) Maling dinggram hpe hkru kau ai wan hte, bum ni hpe jahkat kau ai sharaw zawn na abung hpoi e shan hte hpe hkan shachyut nna Na a laru hte shan hte hpe jahkrit kau mu. Yehowa e shan hte gaw na amying hpe tam mu ga. Shanhte a myi man kaya kahpa hte jahpring ya mu, Yehowa e nang hte na amying chyu sha Ga ting hta Tsaw htum nga ai shan hte chye mu ga, Prat dingsa shan hte kaya kahpa hte hkrit gari n-na Myi man sum ai hte hten byak ai hkrum mu ga law.

( 6 ) Yabet Mung, Israela Karai Kasang hpe nang ngai hpe shaman ya n-na nye a lamu ga jarik dam lada di ya e, ngai yawn hkyen ai hta lawt lu n ga na a lahpum hte n hkru n hkra ai hta na ngai hpe makawp maga la e ngu n na hpyi jahtau wu ai. Karai Kasang mung shi hpyi ai ga madat mara ya wu ai...

( 1 ) Taraja: 6:4,5 ( 2 ) Taraja: 20:3,4 (3 ) Sh.K 35:1-3 ( 4 ) Sh.K 83:1,3,
( 5 ) Sh.K :83:14 ,18 ( 6 )1 Hkaw Hkam: 4: 10

Shadan Zau

Jan 27, 2013

SAW LAJIN DAT AI LAM...

ka ai ten : 11:01 PM Lit hkam: TS

Saw LaJin Dat ai LAW.....

Ya byin taw nga ai Dinghku majan hta anhte ni yawng du ai shara kaw na dang di ai hte shang lawm taw na re ngu kam ai...
Tinang Du ai mungdan a su ya ni a shawng kaw N Gun madun dan ai lam ni..
Tinang dang di ai ram Ja gumhpraw hte Garum nga ai lam ni..
n sim n sa Myit dum kyu hpyi ya nga ai lam ni..

<<< Rai Tim >>>

Shawng lam majan pa kaw na Myutsaw hpyen la ni hpe Jut shara mi kaw na Myit n gun jaw lu na matu ladat shaw ga....
Shanhte a hpang kaw anhte ni yawng shanhte ni hte Rau rai nga ga ai .
Shanhte ni hpe Madi shadaw nga ga ai..
Shanhte ni a matu matut manoi Myit dum Kyu hpyi ya nga ga ai..

Ngu n na myit hkyi ba lit li taw nga na Myutsaw hpyen la ni hpe Myit n gun jaw lu ai Video Clip ni gayet la na Shawng lam Myutsaw hpyen la ni hpang de sa dat ya ga..

Facebook hkan e tinang a n gun jaw ai ga ni gaw ya dai ni anhte internet lang ai myu sha ni ram sha chye nga ai..mu hti hkrup nga ai..
shada shiga ni hting lai hkat ai hte shada n gun jaw hkat, shadum hkat..ningmu ni htawng madun hkat ..Media n gun madun hkat re ram sha re.
Myenmung kata na anhte a myu sha tsin yam ni hte shawng lam de na myutsaw ni gaw n dai n gun jaw ga ni hpe lu hti na n re..madat lu na n re..

dai majaw Facebook hkan e majoi majoi sumla ni mara kau na malai , gaja gaja tinang a myit masin kraw lawan kaw na hkam sha let n Gun jaw dat ai Ga ni hpe myutsaw hpyen la ni hpang de sha gun ya ga..

(1) Langai hkrai ( or ) manang ni hte Rau..
(2) Family ( or ) Group hte Rau...
(3) Lak san Kyu hpyi ya nga ai video clip...

dai zawn re Myit n gun lu na ga ni hpe ( 1 minute shing n rai 2minute ram re video clicp ni gayet ga )
Anhte yawng Ph lang ai ni hkrai rai na re..ph hte du ai shara kaw gan gayet la tim mai ai..camera hte gayet tim mai ai..

n dai video clicp ni hpe shawng lam de na myutsaw hpyen la ni gara hku mu lu na..?
shawng lam majan pa de shiga la taw nga ai ni hpe video clicp ni sa dat ya na re...
dai ni hku na n dai video clicp ni hpe latop kaw zing da na..majan hkring nga ai ten..myit n gun a wai la nga ai ten hta hpaw madun ya let anhte myutsaw hpyen la ni hpe Myit n gun nnan ni bai jaw bang ya ga.

( Hkyi ba dik taw nga ai ten hta langai ngai sha pi n gun jaw dat yang gade n gun lu wa ai hpe nang, ngai yawng hkam sha ga na re..)

n dai Idea gaw jinghpaw tingsan langai hkrai a Idea re majaw Ra rawng ai lam grai nga taw na re..
Yawng a ningmu, hpaji jaw ga ni hte ( Rau ) yawng a n gun jaw ga video clip ni hpe jinghpaw tingsan hpang de sa dat mayu jang...
Gmail - tingsann@gmail.com
shing n rai facebook kaw upload galaw dat u..send message kaw na ADD FILE kaw mung mai sa dat ya ai hku re..

Anhte Yawng n Gup Galem taw na malai Nsen shapraw dat ga....

Jinghpaw Tingsan ( A ten - 3: 12 am )

Dec 11, 2012

'' ညွိဳ႕'' MAGAZINE ( 18 + )

ka ai ten : 12:35 AM Lit hkam: TS

Myenmung kaw shawng ningnan shapraw ai prat dep dinghku shang hpaji jaw ai magazine langai rai nga ai..n dai magazine hte seng na Shiga ni tsawmra mawng lai wa sai hku re..ya gaw teng teng pru wa sai..

dinghku hte seng na hpaji jaw ai lam ni..dinghku n shang shi yang hkyen lajang ra ai lam ni..ummm ( 18+ ) yupra n tsa na maumwi ni ,ram prat shayi shadang ni hpe hpaji jaw da ai sumrai ni grai law bang da ya ai hpe mu lu na hku re..

myenmung zawn re mungdan kaw n dai zawn re magazine pru wa ai gaw kaja ai lam hku na mu ai ni nga ai zawn gaya hpa langai hku na mu ai ni mung grai naw law nga ai..

jinghpawtingsan mung shiga langai hku , ningmu jat hpaji la lu na matu blog du sa manaw manang ni hpe bai shalai ya ai hku sha re.. n dai magazine hpe myen blog langai kaw na sa sawk tam mu la ai re..myit lawm ai ni lawu kaw download galaw na hti yu ga..

password = jinghpawtingsan

Nyu

Nov 12, 2012

N MU AI MYIT MADA LAM ( True story )

ka ai ten : 6:08 PM Lit hkam: TS

Maigan de pru hkawm na maw ai , maigan de du taw ai manaw manang ni yawng myit yu na matu myit chyinghka a hkam sha lam hte ningmu langai mi hpe bai hti yu ga..

tinang a myit mada ai lam hpe mu tam ai ni nga ai zawn n mu tam ai ni mung nga taw na re..myit mada ai lam gaw myit mada ai lam sha rai nga ai ...

N MU AI MYIT MADA LAM

Shana yuptung dum wa yang myit ni kahpra taw nga ai.. hkrit ai zawn .. hkrap

mayu ai zawn..ngai hkrai sha rai mat ai zawn.. langai langai hpe grai dum taw

nga ai zawn.. grai marawn kau mayu ai zawn nga let dum wa ai.. Yup wa ai

ten hta maigan de lam myu myu hku du wa let shingbyi nga ai ni a lam hpe

myit let yup mat wa ai …

Tinang hte ga n bung, htung hkring n bung, tam lu tam sha lam n bung, galu

gaba lam n bung, n bung ai lam law law nga nga ai maigan ngu ai mungdan

hta myit mada kaba let du sa wa ai masha ni a hkam sha lam gara hku re na

ngu ai hpe maigan ga n du ga ai ni gaw gara hku mung chye na na nre… moi

de maigan ga sa yang sumsing mung dan sa mat ai shadu .. gumhpraw

sumpum n tsa du mat sai ngu shadu lai wa ga sai..

Karai Kasang a chyeju majaw maigan mungdan ni langai ngut langai lu sa wa

ai ten hta gaw moi shadu ga wa ai ni grai shut nga ai hpe mu wa chye na wa

ai…tinang mungdan a laika hpaji madang ndep ai majaw jan mau gup tim

maigan du yang gaw hpa n mai jai lang.. general worker sha byin…kade n

kam tim …. sak hkrun nga lu na matu, bu ga de nga nga ai nta masha ni hpe

garum lu na matu, lu ai mu galaw let nga nga ra ai ramma ni hpe mu hkrup

yang myit masin ni gang chye ya ai zawn nga hkra machyi ai..

shana de mu na bai wa yang mung nta kaw mani sum sai hte hkap tau la na

masha kadai n nga… zim zam jahkraw jahkra re nta de ba ba hte bai wa…

shana nsin yup tung hkan she nta bai du… shat gaw kaw si … dai ten hta she

kan a matu lawan ngut na mai sha ai baw lama ma bai galaw sha..hpang

shani gaw mu bai sa…. mu kaw mung ga n bung hkat ai ni hte rau mu galaw

ai majaw langai hte langai matut mahkai bai yak…. chye na shut na galaw

shut yang gaw bai hta katut….mu kaw myit kachyi let gade lang hkrap kau

na.. myit kachyi let nta bai wa ai lam hta masha n mu hkra lagu hkrap let myi

prwi si gade lang lagu katsut na mung shingran pra pra mu ai…..

tinang na tinang pyi tsap na yak nga ai ten.. buga de na nta masha ni jinghku

ni gaw gumhpraw bai htet shatsang…. nlu shagun ya yang gaw myit bai

npyaw…. sak hkrung nga ai lachyum hpe pyi ga san grai san mayu wa na re…

tsawra dinghku ni mung mungdan n nan kaw adjust bai galaw ra ai lam ni grai

law ai dam n lu hkam ai majaw hka bra mat ai ni mung nga wa… maigan du

na kam hpa shara n nga mat ai majaw maigan ni hte dinghku shang ….n

bung hkat ai grai law ai yang lahkawng rau nga ai a majaw byin ai mang

hkang ni grai bai law .... dinghku npyaw.. huuuuu….

n dai zawn re n mu ai myit mada lam hta sak hkrung hkawm sa taw ai wunpawng myusha ni gade she law nga na..

tinang a buga dum nta kaw na maigan de sa wa ai ten hta myit mada da ai

rawt jat kalu kaba mat na .... prat madang tsaw mat na ….. ndai zawn re

myit mada lam ni.. sumwi zawn….. nbung zawn…. tatut hta mu lu na yak la nga ai..

Myitchyinghka

November 10, 2012 (11:50pm)

Nov 2, 2012

YAWNG A MATU KABU HPA SHIGA...

ka ai ten : 4:55 PM Lit hkam: TS

Jinghpaw Tingsan blog kaw sa du chyai ai manaw manang ni a matu Jinghpaw Tingsan kaw na kabu hpa shiga langai jaw dat n ngai..Mahkawn ni hpe myit lawm let Download galaw la mayu ai manaw manang ni yawng hpe Ya kaw na Download mai galaw la ai Link bang ya na sai hku re..

n dai zawn download mai galaw hkra jinghpawtingsan kaw na Gumhpraw ma hkam let Uploading site hpe mari la ngut sai hku re..Grai Lu su taw na mari ai gaw n re ..... du sa manaw manang ni yawng a matu yaw shada let grai shakut na mari kau dat ai hku re..

Mahkawn ni hpe Gara hku Download galaw la mai ai hpe mung Download ladat ngu ai kaw click na hti la ga..n mu na tsang na blog sidebar n tsa kaw prip lar prip lar di yawng mu lu hkra mara da ya ai hku re..myit lawm ai hte hti la ga..

mahkawn ni grai law ai majaw Download link ni hpe gawng ngwi rai na bang mat wa ya na hku re..yawng hpe myit shadik ya lu ai Jinghpaw Tingsan blog langai byin wa hkra shakut mat wa na re..

Sadi.... Jinghpaw Tingsan blog kaw na mahkawn ni hpe Download galaw la na tinang a tinggyen a kyu a ra a matu n jai lang na hpe a kroi a noi shadum dat ya n ngai law..

Yawng ni Chyeju hte hpring ai shata hpe hkam la lu u ga...
yawng hpe hku hkau let
Jinghpaw Tingsan

Oct 26, 2012

CHATTING MANANG

ka ai ten : 3:45 PM Lit hkam: TS

Shawng na chatting galaw ai lam hpe hti ngut ai hpang n dai chatting manang ngu ai hpe bai hti yu ga..tinang a matu a kyu nga ai sumtang langai rai na re ngu myit mada ai hku re..n dai sumtang hpe gaw Myitchyinghka hku na she a hkam sha lam she a ningmu ni hpe du sa manaw manang ni yawng a matu sumtang langai hku na ka dat ai hku re..yawng ni hti yu na myit yu sawn yu ga..

a. Hi

b. Hello

a. Kaja nga ni?

b. Kaja nga ai lo

Nga ai shakram ga ni hte hpang wa ai an lahkawng a online manang hkrun lam dai ni 3 ning hpring sai..

Ndai 3 ning laman hta langai hte langai n masu ai sha teng man ai shiga ni jaw hkat let.. langai hte langai kam hkat ai lam ni lani hta lani grau kaba wa sai.. grau n na gaw jinghpaw myu sha ni rai nga ai majaw langai hte langai myit kap ai lam ni grau kaba wa ai ngu mu ai..

langai hte langai a yak hkak jam jau lam ni hpe myit masin hte madat ya hkat ai.. rau hkam sha lawm ai..langai kabu yang langai kabu lawm ai.. n dai lam ni gaw shakut galaw la hkat ra ai lam ni kachyi myi mung n nga lai wa ga ai..

Manang kaja ngu ai gaw langai kaw na langai kyu lama ma lu na tai ai lam n re.. tinang hku na jaw mayu ai myit sha nga ai.. mai galaw ya na hpe galaw ya mayu ai.. tinang a majaw manang wa myit n pyaw mat na lam hpa mung n kam galaw ai… tim kalang lang gaw n dum sha myi galaw shut ai lam ni mung nga lai wa sai.. dai ten ni hta chye na ya ai myit masin hte mara raw ya ai manang hpe grai chyeju dum ai.. grau mung tsaw ra wa ai.. manang wa shut yang mung chye na mara raw ya ai ten ni hta tinang a myit masin ni grau na kabu lu ai hpe mu lu ai.. hkam sha lu ai..

Masha shada she n mu ga hkat tim langai hpe langai lam shagu hta shadum hkat.. n gun jaw hkat.. sharin hkat let nga wa ai ten ni manu dan la ai.. masha langai a prat hta tinang a myit kata kaw na nan myit kap let hku hkau ai.. kam ai manang langai lu na yak dik ai.. shani shana galoi tim mu hkat nga ai manang ni hta lai hkra myit kraw kata sungdik ai shara kaw na nan hku hkau tsaw ra mat ai gaw majoi n rai na re..

dai ni mungkan hta dinghku num/la shada pyi manang kaja n tai ai ni grai law ai.. langai hte langai ten jaw ai lam hta ningra ai ni grai law ai.. tinang a ningrum ningtau a hkam sha lam hpe n gawn nsawn galaw ai.. tsun shaga hkat ai shaloi mung myit masin kata kaw na madat ya let kaja ai maga hku hpaji jaw hkat n gun jaw hkat ai ni hti dang she rai na re… dai majaw Karai Kasang a man hta ga sadi la let hpang wa ai Christan dinghku ni dai ni hka bra mat ai ni grai law wa ai.. dai hku hka bra wa ai shaloi machyi kaba dik gaw ma ni re.. dinghku hka mat ai hpang dinghku hka mat ai yan lahkawng mung shinggyim uhpawng hta tsap n kam mat/ n gwi mat ai lam ni grai law wa ai… she tsap nga tim myit masin hta gaw masha ni zawn n lu pyaw mat ai.. tinang prat galu kaba lam hpe hkra wa ai..

Ga malai langai… manang kaja ngu ai gaw tinang ntsun tim tinang a myit kata hpa byin nga ai ngu ai hpe chye ya ai da.. An a manang hkrun lam 3 ning hpring ten du hkra langai hte langai chye na ya hkat ai lam ni gaw manang kaja a sakse langai rai na sai..

Prat tup a matu manang kaja tai ga ngu..

Tsaw ra let..

Myitchyinghka

November 7, 2012

CHATTING GALAW YANG..

ka ai ten : 3:36 PM Lit hkam: TS

Online kaw chatting galaw ai ngu gaw gadai mung gade na mahtai nga na re ..hpa majaw me chatting galaw galaw chatting gaw chatting sha re.. :)

dai majaw chatting hte seng na tingsan myit lu ai ram bai ka chyam yu ai hku re..n dai chatting galaw ai lam ni gaw tingsan langai hkrai a ningmu hte sha ka da ai majaw yawng hte gaw n bung na re..majoi ka chyai yu ai le ...hehehe
she n gun jaw let hti yu yu ga..

Online kaw tinang n chye hkat ai masha langai hte langai chatting galaw ai ladat ni grai law ai kaw na tingsan gaw ladat 2 hpe maram dat yu ai hku re..yawng hkra gaw n bung tim law malawng gaw n dai ladat ni hpe lang nan lang ra na re :P

n chye hkat ai masha shada chat ai shaloi..

1-tinang gaw chatting hpe myit lawm ai hte chat mayu jang lang na ladat ni J

Intro:

hello ( hi )

hkam gaja nga ai i ?

hpa ni galaw taw ai rai.. ?

gara kaw na rai ?

hpabaw kasha rai ? hpabaw a myu rai ?

gara buga de na rai ?

shaga mying gaw gara hku rai ?

ya gara mungdan kaw du taw ai rai ?

sak gade rai sai rai ?

mahkawn ? shabrang ? dinghku hte rai nrai mung san la… J

.....lahta na gasan ni hte intro shang ngut ai hpang lahta na gayan ni kaw na langai n rai yang langai hte gaw tinang bai mai matut shaga let hku hkau lam hpe mai shatsaw mat wa ai lam ni pru wa na re..( ga shadawn tinang hte buga bung jang, shing n rai tinang hte myu bung jang daw ang ai hte shaga mat wa na lam gaw OK mat wa sai..)

dai hku di chatting na na galaw mat wa ai shaloi langai hte langai grai hku hkau mat wa ai mung nga na re..

2- tinang gaw chatting galaw na matu ten n lu jaw shing n rai n kam chat mat sai nga jang lang na ladat..

hello nga jang hello ngu dat

gaja i nga jang gaja ai ngu dat

gara buga na rai nga jang tinang na buga tsun dat ( jaw ai hpe tsun yang grau gaja na re..n dum shamyi tinang hte buga langai kaw na manang ni hte bai hkrum chye lu ai majaw )

hpa baw galaw taw ai rai nga jang hpa n galaw taw ai

nang busy taw ai i nga jang n htang hku na nang mahtang busy taw na re ngu na bai san dat

tinang hpe chat wa ai wa hpa san yang hpa htai ya dat ( tinang hpe zai ai hku n mu mat na matu )

tinang kaw na hpa mung bai n san jat..she n shaga jang tinang mung n shaga ai hku sha nga kau..

gasan ni ma mat wa ai shaloi dai tinang hpe chatting galaw taw ai wa hpa n chye shaga mat na hkring mat na re..

ndai ladat gaw tinang maga de na zai ai hku n madun ai sha chatting galaw ai ladat rai nga ai..

chatting galaw ai ngu mung jin wa chye ai bungli langai rai nga ai..moi de tingsan mung chatting grai galaw lai wa sai

chatting kaw na blogging de gale mat wa ai hku re..n kau mi gaw online pi n dun mat hkra nga mat ai..

hpa majaw n dai ladat ni hpe majoi ka chyai taw ai i nga jang online mungkan hpe myit ru wa sai majaw le :heheheh

Jul 30, 2012

JINGHPAW TINGSAN HTE BLOG

ka ai ten : 3:51 PM Lit hkam: TS

ningmu langai hte langai n bung ai majaw n dai post gaw tingsan langai hkrai a ningmu sha re.
tinang kaw blog langai madu da sai nga jang, tinang kaw hkrat sum ai lam ni gaw grai nga wa ai hpe mu lu ai hku re..dai hta tianng kaw sumtsaw lu taw yang gaw shawng ning nan tinang a sumtsaw hte mang hkang
hpang ra na re..hpa majaw i nga yang tinang gaw a ten n kau mi hpe tinang a blog hpe jaw kau ra sai majaw le..
tinang kaw blog langai madu da sai nga jang Social lam kaw mung manang hkang byin wa ai lam hpe mu lu ai hku re..tinang gaw online kaw na manang ni hpe a ten na na jaw na n lu chat ai shaloi tinang hpe hku hkau ai
ni mung yawm mat wa ai hpe mu lu ai hku re..dai hta n ga online dung na ten nau n nga wa ai shaloi online manang mung mat mat wa ai hpe mu lu ai hku re..
tinang kaw blog langai madu da sai nga jang gaga tinang hte seng ang ai bungli ni hkan mung ningra ai lam pru wa ai hpe mu lu ai hku re.ga shadawn jawng laika ni n ngut wa ai lam..gaga tinang n galaw n mai re ni hta
lai na ngam ai a ten ni hpe blog kaw bang kau ra ai lam ni mung nga wa ai hku rai nga ai..
blog langai lu sai nga jang shawng ning nan yup rawt wa ai hte blog mail shawng jep ra ai ..blog kaw na hpyi shawn ai lam ni hpe mu jang dang di ai ram sawk tam ya let bungli kin hpang wa ra ai ten ni mung nga wa sai
..myit daw ai lam ni pru wa jang mung sa du n gun jaw ai manang ni a comment langai mi hpe mu na grai myit rawt let blog hpe grau na n gun bang mayu ai myit ni pru wa ai hpe mung mu lu ai hku re..
dai majaw blog langai madu da ai manang ni ngai hte ningmu yawng n bung hkat tim loi li gaw myit rum na re ngu shadu ai hku re..laika n chye ka ai majaw baili bai la let ka da ai hpe chye na ya rit yaw..laika mung grai
galu mat sai..
n dai jinghpaw tingsan blog mung galoi mi htum mat na kun ngu ..
majaw a majaw ngai n dai mungkan ga kaw na pru wa mat tim jinghpaw tingsan ngu ai mying gaw ngam taw na re ngu myit mada let..
n dai ram mi hte naw hkring na sai..

Mar 15, 2012

MYU HPE MAKAWP MAKA GA

ka ai ten : 2:23 PM Lit hkam: TS

Ndai Laika gaw moi moi kaw nna na taw sai lam ni sha gaw re. Rai tim anhte amyu sha ni yawng hkra n dai lam hpe n nachye na re hpe kam ai. Ndai hpe lu hti ai kaw nna gaw anhte ni grau nna myit hkrum wa nna shada da tsaw ra myit maju jung wa na re hpe ma kam ai. Anhte a kaji, kawoi, kanu, kawa ni mung madu a kashu kasha ni hpe grau nna shadum jahprang ai kaw, myit lawm wa na re hpe myit mada ai. Ndai laika gaw myu sha lam hte seng ai sha n-ga Karai hte mungseng ai lam re majaw grau nna chye ging da nga ga ai. Anhte Jinghpaw Wunpawng Myu Sha ni hpe shamyit na sha n gakaga myu sha ni hpe mung shamyit na masing re ai majaw. Kaga hpunau ni hpe ma matut nna shabra mat wa ga
Myu Hpe Makawp Maka Ga

Dec 28, 2011

SHAGRI KUNG AI MYIT MASA

ka ai ten : 5:35 PM Lit hkam: TS

Tsaw ra ai kahpu kawa wa hpe shi ga kaw bang ya na matu laika ngau shagun dat nngai.
EMAIL hku na lahta na ga yan hte rau yawng hti yu na myit yu sawn yu na matu sa wa ya ai laika n ngau ni hpe bai mara dat ya ai hku re..yawng ngwi pyaw ai xmas ten rai u ga..

Shagri Kung ai myit masa

Shawng nnan Karai Kasang a Chyeju hpe shakawn ai law. Tsaw ra hkung ga ai Wunpawng sha ni yawng a matu merry hkristmas the ngwi pyaw ai shaning ningnan rai u ga. Jinghpaw wunpawng sha ni yawng a gawng malai hkung ga tai nna,tai hpyen hpe gasat manga nga ai, myu tsaw mungtsaw share shagan ni, lam amyu myu hku madi shadaw nga ai kanu kawa ni ,sutdu ni, hpang lam kaw na ladat amyu myu woi shaw nna, shawng lam masing masa hpe woi awn nga ai ningbaw ningla ni,maigan mungdan shara shagu de du nga nna, tinnang buga amyu sha ni hpe pu gang sin machyi bai n htang pawnba nga ai Jinghpaw Wunpawng chyu rum ai annau ni yawng hpe n dai laika the hkungga jaw dat nngai law. Yawng a n tsa Karai Kasang shaman ya u ga.

Tsaw ra hkungga ai chyurum wunpawng sha ni e, daini na ten gaw , shagri kung nna myit n-gun shaja let daw dan ai lam hpe tup hkrak byin wa hkra galaw ra ai ten du nga sai law. Myen gumshem asuya nnan gaw, mungkan de myi man tam nga ai ten rai nga ai. Myen mungchying sha ni a gam maka hpe pahkam hkam lu na hpe ahkyak ntawn ai sha, mungkan a man hta hkyak hkyak e yu tsawm daw shiga shapoi nna , shi a akyu ara hpe galaw la na shi hkyen nga ai hpe anhte chye ra ga ai. Hpang de hpa byin yang byin ,ya law law se gap hkat jahkring lu ai ngu ai hpe shi galaw mayu nga ai. Ndai hpe hkum kam dam lu. Kam ai the anhte gaw hkaraw de di hkrat chyalu rai sai. Ya na madang zawn re madang hpe n pawt kaw na kalang bai galaw na n loi sai re. Ya gaw anhte thing nut nmai sai. Matut nna anhte a pandung du hkra ganawng sa mat wa na sha ra sai. Anhte a pandung gaw hpa rai ta? Anhte a pandung gaw, Tinang a mungdan hpe tinang up hkang hpajang lu ai shang lawt mungdan rai nga ai. Madu myu sha ni up hkang mai ai federal hpe n lu mai ai majaw, awng dawm ahkaw ahkang lu ai shanglawt hta lai nna anhte lata na lam kaga n nga sai. Dai ni na ten anhte sadi maja ra ai gaw, Federal hpe jaw na pyi hpyen gum shem sha nrai. Mung masa galaw nga ai myen mung masa la ni nan n dai hpe kachyi mi pyi myit n hkrum ma ai hpe adan aleng rai nga ai. Ya ten hta myen mung dan kaw mung masa galaw ai wuhpung law law nga ai. Gade law tim munghpawm myusha ( taiyintha ) ni a ahkaw ahkang hpe myit yu ya na wuhpung n lawm ai ngu ai hpe anhte chye da ra ai. Hpa baw Democracy mi nga tim, shanhte a masha n gun kaba the myu kaji ni hpe kaup sha na ngu ai myit jasat hkrai re.

Dai ni na asuya ningnan kaw lawm nga ai lut daw dat kasa ni ngu ai mung, anhte myu sha ni a maga de tsap nna, laja lana rai tsun garum na nnga ai sha n-ga, gaw da ai tara hpe ninghpai nna, rawt malan ni hpe shamyit kau mayu ai ni hkrai rai nga ma ai. Taiyinta dat kasa loi li ni gaw myit lawm ma ai rai tim, grai rai na tsun na ahkaw ahkang, galaw na ahkaw ahkang n lu nga ma ai. Laiwa sai lana mi na BBC a gasan gahtai galaw ai kaw,myen mungdan a labau hta Dr degree lu ai myen the hkang masha kaba ni hpe san htai galaw ai shaloi , myen labau sara Dr langai mi tsun lai wa ai gaw, “Banlung ga sadi ngu ai gaw hpa lachyum pru ai n re. Dai hpe wa ya dai ni grai ahkyak ai ga sadi hku nna tsun nga ma ai. Kaja gaw Banlung ga sadi gaw , Taiyinta ni myen mung the rau shang lawt la mayu ai majaw myit hkrum ai ga sadi sha re” nga nna grai ahpa atang nga tsun ya nga ai. Shi tsun ai hta taiyinta ni myen the arau shanglawt la mayu ai hpe sha mu ai. Mungdan hpe gara hku up na , gara hku ahkaw ahkang jaw ra ai, hpa majaw shang lawt rau la ra ai, Bum masha ni myit hkrum yang sha shanlawt jaw na ngu ai lam ni hpe shi n tsun ai sha n-ga ndai teng man ai lam ni hpe she magap da mayu nga ai. Hkang myu sha na Labau sara kaba Dr mung grai nga tsun htai lai ai hta, myenmung kaw sharin ya ai labau gaw munghpawm myen mung a labau n re sha myen a labau sha re. Munghpawm mungdan a labau rai teng yang,taiyinta ni a labau mung sharin ra ai. Anaw yahta min, mindung min, chyan tsitta min ni a lam gaw, anhte taiyinta ni the hpa n seng ai. Myen ni a labau san san sha re nga tsun ya ma ai. Ndai zawn re amyu kaba laba the myu kaji ni hpe kaup sha mayu ai lai ladat,n tara ai lam ni a majaw, myu kaji ni rawt malan nna, lani mi na n htoi hta munghpawm kaw na garan pru mat wa na shing nrai shanglawt jaw ra wa na hpe mu mada tsang nga ai myen hpaji chye ai n kau mi mung nga nga ma ai. Ga shadawn Dr Zani zawn re masha kaba ni gaw, shanhte a myu kaba lai ladat a majaw, mungdan n ngwi pyaw nga ai lam, ndai lai ladat a majaw, munghpawm myit hkrum lam hta dingbai dingna rai nga ai lam ni hpe ayan shadum ya nga ai. Ndai zawn re lam ni a majaw, myen mung masa la n kau mi gaw anhte myu sha ni hpe grai tsaw ra ai zawn zawn, grai lanu lahku la mayu ai zawn zawn rai nna lam amyu myu hku shani wa ai ni hpe mung anhte hkrum na re. Raitim ndai ni gaw anhte garan pru na ngu dat ai the gaw, anhte n mai garan pru hkra anhte hpe lam amyu myu hku n na jamjau jaw, mayak mahkak jahkrum na hkrai re hpe, tau hkrau na dum da ra ai. Ning ngu yang n kau mi gaw dai gaw n rai na re anhte hpe tsaw ra ai myen ni mung nga na re, laika ka ai wa nau hkum tsang nga na re. Myu sha ni hpe tsaw ra ai, myit su ai lama wa nga yang , hpa majaw anhte hpe ga sadi the hkrak ( Federal) madu up hkang,madu tara dara, madu upade galaw nmai ai i? rap ra ai lam, tara ai lam, rai yang hpa rai masha a ahkaw ahkang hpe pat kau nna, anhte buga , anhte shara anhte myu sha ni hpe dip apyet nna up sha mayu nga ai i? Myit yu ga.

Asian mungdan langai kaw na ,mungdan kaji Singapore mungdan a lam hpe kachyi mi tsun dan mayu ai. Mungchying sha ni wan masum jan wan mali daram sha nga ai mungdan kaji langai re. Raitim dai ni sinpraw mungkan hta sut su ai lam hta Hkang Hkyi ngu shamying hkrum nga ai. Mungdan kata hta n hprang rai hpa mung nnga ai.Sau the gas mung npru ai. Ga the zaibru, lu na hka, lang na hka ni yawng maigan na mari bang na lang ra ai. Raitimung sinpraw dan maga na masha ni, sha n-ga sinna dan masha ni du hkra n dai mungdan kaw bungli sa galaw nna gumhpraw tam nga ma ai sha n-ga n dai mungdan kaw bungli lu na matu shakut jawng nga ai gaw sen hku nna nga nga ma ai. Hpa majaw ta? Mungchying sha law htum gaw miwa ,no.2 Malay no.3 gala the no.4 gaw Sinpraw mungdan shagu na hpaji chye ai, mahkrum madup nga ai, machye machyang law ai bungli galaw masha ni rai nga ai. Mungdan hpe uphkang ai gumrawng gumtsa hta law malawng Miwa myu ni re rai tim Malay the Gala hpe mung lachyen lahka ai lam nnga ai sha shang lawm shangun ai. Up hkang ai ladat hta Miwa, Malay , Gala ngu n ginhka ai sha yawng gaw , Singaporean ngu Singapore masha ngu ai hku sha yu nna up hkang ai ladat re. Anhte sa nga nang, sa galaw sha nang ai ni hpe mung lachyen lahka ngu ai nnga ai sha, masha a ahkaw ahkang hpe atsawm jaw nna woi awn ai munngdan re. Nang du nga ai ten laman , nang sa

mayu ai de sa. Wa mayu ai ten wa, nang hpe manam re nga jahkrit shama sha na masha nnga ai. Nang hpe dang sha roi sha na, mya lu mya sha na lagu lagut na masha nnga ai. Ndai daram kaja ai gaw, masha kaja ni hkrai nga ai majaw n re. Mungdan kata kaw sa shanu nga ai masha ni sha n ga, maigan na chyahkring chyahkra du sa ai bu hkawm masha ni a matu mung sim sa shim lum dik ai mungdan re. Kaja gaw Democracy mungdan gaw n re. Raitimung mungdan masha ni hpe grai pyaw hkra, ra nrawng hkra lit la up hkang ai mung dan re majaw, lam amyu myu hku dip apyet da hkrum ai anhte myen mung masha ni hku sawn yang, Singapore mungdan gaw “Ngachyu the Lagat jahku lwi ai mungdan” rai nga ai. Ndai zawn byin tai wa ai lam gaw, mungchying sha Miwa,Gala hte Malay myu masha ni hpe lachyen lahka nnga ai sha yawng hpe ahkaw ahkang langai the sha up hkang kanawn woi ai lam a majaw rai nga ai law.

Anhte myen mungchying sha ni hpe lahta na asuya zawn lama woi awn ai rai yang, hpa a matu rawt malan na i? hpa baw a matu gran mayu na i? Amyu masha ni shada da tsaw ra hku hkau let nga nga na rai nga ai le. Dai ni gaw asuya hpyen dap kaw anhte amyu nnga ai. Gumrawng Gumtsa up hkang hpung kaw anhte myu sha n lawm ai. Langai lahkawng lawm lu yang mung shanhte wu shoi shoi da ai. Mungdan a asuya kaw anhte a kanu kawa nnga ai. Kadai wa anhte maga de tsap nna, hparan ya na i? anhte a hpyen hpung nnga ai, kadai ni wa anhte hpe makawp maga la na i? ndai daram shimlam nlu ai myu sha ni a matu, shanglawt na hta lai nna, gasat na hta lai nna, hpa mahtai mung nnga sai. Masha ahkaw ahkang ngu ai kachyi mi pyi n hkam sha lu ai nga rai kaw prat tup jam jau nga na malai, chyahkring sha mi jam jau hkam nna, shang lawt la ai gaw anhte matu htawng hpang na anhte myu sha ni yawng a matu manu dan dik ai lam rai sana re.

Dai majaw, shawng lam de jam jau hkrum let sai the asak the galai nna myu sha yawng a gawng malai hkung ga tai nna, ap nawng nga ai myutsaw share shagan ni e, nanhte hpe amyu sha ni yawng , maigan shara shagu de du nga ai myu sha ni yawng, kam hpa nga ga ai. Galoi mung madi shadaw nga na ga ai. Hkum hkrang she kaga ga rai tim ,myit masin gaw , nanhte the rau rai nga ga ai. Nanhte machyi ai gaw anhte machyi ai re. Nanhte hpe sha myit mada shara shatai nga ga ai. Myit hkum ru myit, myit hkum tsang myit. N htang na hkum myit. Shayawm kau na hkum myit. Majan gasat yang she padang ngu ai nga ai. Tai hpyen gaw Masha n-gun, lak nak n-gun, zingri zingrat n-gun ni the Wunpawng myu sha ni a shagri brep hkra galaw shakut nga ai. Shagri n mai brep ai lu. Ndai lang gaw Karai Kasang laksan lajang ya ai lam she rai sai. Jinghpaw Wunpawng sha ni yawng gaw Karai Kasang hpe kam sham ai ni hkrai re. Kam sham ai ni kaw byin ai lam mahkra gaw Karai Kasang a yaw shada ai lam re. Ndai hpe kamsham nna, shi ra sharawng ai lam hta hkan sa na sha ra ai. Byin hkra galaw na gaw Karai Kasang a lit she re. Anhte gaw shi a ga madat nna hkan sa na sha lit nga ai. Badang dip ai ngu ai gaw, chyum laika kaw yu ai shaloi, masha n-gun, laknak n-gun the n seng ai. Karai Kasang lawm ai maga de dang na dai re. Myu sha ni yawng shi hpe n dut n hka kamsham nga jang teng teng shanglawt lu na re. Kam Ga.

Myu hpe tsaw ra let, Agu Namti