JINGHPAW TINGSAN: labau

Showing posts with label labau. Show all posts

Showing posts with label labau. Show all posts

Nov 30, 2014

ZINGRI ZINGRET LAIKA BUK

ka ai ten : 2:48 PM Lit hkam: TS

Lai wa sai 2011 june 9 kaw na byin hpang wa ai KIO Shang lawt asuya hte Myen asuya ni a Majan laman hta e Myen asuya ni a Roi rip ai hte Zingri Zingret galaw lai wa sai mabyin nkau mi hpe matsing da ai Laika buk hpe PDF hku na bai mara dat ya nngai law..yawng ni chye da ging ai lam rai nga ai..

Zingzi Zingret Laika Buk.pdf by jinghpawtingsan

Madat mayu ai mahkawn ni Hten taw yang Tingsann@gmail.com , jinghpawtingsan@gmail.com kaw shana wa rit yaw..

DU KABA LAHTAW ZAU SENG A LABAU MAUMWI SUMLA HKRUNG

ka ai ten : 1:46 PM Lit hkam: TS

Jinghpaw Wunpawng amyu masha ni mungkan ntsa hta tinang a madu mungdan tinang nan awm dawm shang lawt lu nna, uphkang nga pra lu na matu shawng nnan shang lawt woi hpyi shakut hpang wa ai ningbaw,du kaba lahtaw zau seng hte manang ni hpe tai hpyen wa a Ga madat nna, sat kau ai labau mabyin majing hpe Slg.Chawzang Hkawng Hawng gaw htang ngawp bum kaw august shata 27,2013 shani tsun hkai dan ai Labau sumla hkrung langai re..

Madat mayu ai mahkawn ni Hten taw yang Tingsann@gmail.com , jinghpawtingsan@gmail.com kaw shana wa rit yaw..

Sep 22, 2014

JA TAWNG NAW A MAUMWI -MP3

ka ai ten : 4:30 PM Lit hkam: TS

Blog du sa manaw manang ni mung mahkawn ni madat..sumla hkrung ni yu rai na grai jin taw na sai ngu myit dum ai majaw anhte jinghpaw wunpawng myu sha ni a labau hta grai mying kaba lai wa ai Ja Tawng Naw a Maumwi hpe bai madat hkam sha yu ga...
ndai zawn re Maumwi hkai tsun dan ai gaw moi prat de na ni grau byin sam ai..

ndai maumwi kaw lawm ai Gasi , Ga malai grai law hpe Tingsan nchye na ai majaw Tingsan mung jinghpaw ga atsawm nchye ai wa re ngu tinang hkum tinang myit dum la taw ai.
ya prat na ma ni hpe mung n dai zawn re maumwi ni naw tsun dan mayu ai manang ni a matu mung akyu nga na re ...yawng hpe maumwi tsun dan dat sai..

Madat mayu ai mahkawn ni Hten taw yang Tingsann@gmail.com , jinghpawtingsan@gmail.com kaw shana wa rit yaw..

Sep 10, 2014

MYITRUM YUNGWI PINRA ( 1997 )

ka ai ten : 5:50 PM Lit hkam: TS

November 25,26 - 1997 hta yangon kaw galaw mat wa ai shawng ningnan lang na jinghpaw wunpawng myu sha ni a Myitrum yungwi pinra sumla hkrung hpe bai mara dat ya ai hku re..
Moi de na Mying kaba ai yungwi shayi ,shadang sha ni yawng hpe shara mi kaw sha hkum hkum ra ra mu lu na rai nga ai..Anhte Wunpawng myu sha ni gaw moi kaw na atsam nga ai ni hkrai re nga ai ..

Grai manu dan ai labau stage show sumla hkrung langai mung rai nga ai...ndai sumla hkrung hpe jinghpaw tingsan kaw mara na ahkang jaw ya ai Director Gam seng hpe chyeju dum ai lam tsun dat nngai law..

Madat mayu ai mahkawn ni Hten taw yang Tingsann@gmail.com , jinghpawtingsan@gmail.com kaw shana wa rit yaw..

Mar 9, 2014

( KACHIN ) NGU AI LABAU

ka ai ten : 2:27 PM Lit hkam: TS

KACHIN ngu ai gara kaw nna byin pru wa ai kun?

Daini anhte Jinghpaw Wunpawng Amyu sha ni ( Kachin ) nga ai nsen na ai kaw nna gaw, tinang hpe tsun ai re ngu ai hpe chye lu nga ai. Raitim ndai aten du hkra, (Kachin) ngu ai tinang hpe kadai shamying ya ai kaning rai nna anhte Jinghpaw wunpawng Sha ni ( Kachin) ngu ai byin wa ai lam hpe atsawm n hkaja ai gaw, shaning kade law tim tinang jawn nga ai gumra Ayi Ala re ai kun nchye ai jawn tik tik re ai hte bung nga ai.

Laiwa sai, 2001 - 2002 ning January shata na Jinghpaw Wunpawng Hkumra Manau hta pyi Jinghpaw ngu ai mying hpe di kau nna, (Kachin) Wunpawng Hkumra Manau ngu nga ai ni pyi nga wa sai. Raitim (Kachin) ngu ai, Gara kaw nna byin ai hpe kadai hkrak nchye sagawn, nchye tsun ai, warn warn dam dam nga tsun garu ai hkrai rai nga ai.

Kaja nga yang ( Kachin ) ngu ai shingteng amying gaw, Moi anhte Jinghpaw Wunpawng Sha ni, Malihku Majoi, Hkranghku Majoi, Chyaihku Majoi, ban hte ban shara hte shara yu hkrat wa ai shaloi, Jini Wa ni shamying dat ai (Kachin) nre. Ndai (Kachin) hte seng nna, Sarakaba, (Tigent field) ka ai laika hta mung, wam wam dam dam nga ka da ai hpe sha mu lu ai. Sara Zau Tu tsun ai Sara Kaba,(Kencriade) wa Kahkyeng ni the hkrum ai nga ai daram sha chye lu ai.

Dai hpang Rev; Maran Yaw bai ka ai laika hta mung ( Kachin) ngu ai gaw Mahkri ka, nga ai, tsun ai kaw nna zawn zawn wam wam dam dam hku sha ka da ai hpe mu lu ai. Bai nkau mi gaw Myen Hpunau ni e ka manawt mayu ai amyu ni ngu ai kaw nna (Kachin) ngu ai re, nga nna mung Ga uli ulam chyu tsun ma ai. Gara mung nteng ai. 1952 ning hta Myitkyina Manau kaw, Myen nkau mi Manau pa e ( Kachin) nga ai gaw, hpa lachyum re ni? nga san ma ai. Ya laika ka ai wa gaw lai loi hte K ngu, ka mayu, manawt mayu ai amyu re ngu tsun dat ai. Dai kaw nna ka mayu ai amyu ni re da nga wa masai. Kaja wa nga yang laika ka, ai wa tsun ai mung njaw ai. Myen wa san ai hpe htai na matu tsawm daw tsun dat ai sha re. Moi prat nna Jinghpaw
ni hpe shamying ya ai mying mung nre.

Kaja wa hkrak teng ai hku nna labau gaw, lawu na hte maren re. Moi shawng de Inglik Asuya wa gaw, Lawu Myen mung hpe kasat up lu ai hpang, 1837 ning e Lahta Myen mung hpe mung, matut kasat dang kau lu ai lam hpe chye lu ai. Dai shaning hta sha, lahta Myen mung Mandalay (Ava kaw) Inglik (Special commissionor) Du kaba langai dung nna Up sai lam chye lu ai.

Dai shaning jang lahta Myen mung de Du kaba(special commission) wa gaw, shi lawu na Wundawk madang nga ai Duwa hpe Mandlay nna lahta myen mung de kaning re ai masha ni nga ma ai kun? nga yang shanhte hpe kaning di up yang mai na kun? chye na matu, hkaja na matu, shangun dat wu ai.

Dai Inglik Duwa hpe makawp maga ya na matu, Inglik Capt Du kaba langai hte Hpyen ma latsa shalawm dat ya wu ai. Dai aten hta American Sasana Sara kaba ( Kencrieke,) ngu ai wa mung Mandlay e du taw nga sai. Shi mung Ingiik Mung Du ni Myen mang Dingdung ( North most of Burma) de lung jang shi mung hkan nang mayu ai lam hpe (Special commissionor) Du kaba wa hpe tang shawn wu ai. Dai ten hta Sasana Sara Kaba ni hte Inglik Asuya gaw lata matut galaw nga ai majaw, Sara Kaba (Kencrieke) hpe hkan nang na ahkang jaw mu ai.

Inglik Asuya wundak madang Duwa hte Hpyen Hpung ni, Jinghpaw mung Manmaw de Hkalam sanghpaw li hte lung wa yang Manmaw makau e Kahkyeng ngu ai amyu ni hte shawng nnan hkrum ma ai. Nanhte kadai law? ngu Inglik Du ni san yu yang anhte gaw Kahkyeng ni rai ga ai ngu htan tsun ma ai. Dai “Kahkyeng”ni gaw grai sumnung myit-su ai ni re hpe chye jang hpa n kasat ai sha Jinghku galaw wa masai.

Dai majaw Kahkyeng ni hte kasat nra mat ai hta n-ga, “Kahkyen”a galaw lu galaw sha ai lam, Mare up hkang ai lam, Yi sun hkauna galaw sha ai lam, Hpyen majan kasat ai lam, Numwawn Numla lam, Dum nta gap mare de ai lam amyu myu hpe azin ayang san sagawn la ngut jang Mandaly Ava de bai nhtang yu wa nna Wundawk Duwa gaw,(Special Commissionor) a Rung de, Kahkyeng ngu ai ni hte hkrum ai lam(Report)jaw nna shi hkrum ai lam laika tang wu ai.

Dai shani kaw nna Inglik Asuya Rung de Kahkyeng ngu ai Jinghpaw ni a mying gaw rawng hpang mat wa sai. Dai hpang Inglik ni gaw lang hte lang Jinghpaw Mung de lung nna, shanhte a mung masa lam ni hpe maden jat mat wa masai. Manmaw, Myitkyina, Sadawng, Sama, Kamaing, Danai Hugawng hte Sumpra Bum Putao shara magup lu up sha lu masai. Shara nkau mi hta Jinghpaw ni hte grai kasat nna she lu up ma ai. Gashadawn Sadung, Sama, Laja Maikung, zawn re ai shara ni hta tsam mari she Jinghpaw ni hpe kasat dang lu ma ai.

Dai hpang 1890 ning hta Kahkyeng ngu ai mying hpe Rung e bungli galaw ai jare ni lata hte shawng ka tawn ai Kahkyeng ngu ai mying hpe hpang de shaning na jang Myi yu kaprau nna 53 ning na jang she Kahkyen ngu ka da ai hpe Rung Jare Hpung hte Hpung a lakhtak e (Kachin) ngu ka kaprau kau ai kaw nna dai ni du hkra ( Kachin) rai mat ai hpe Inglik Asuya ni ka tawn ai labau hta dai hku rawng nga ai hpe mu lu nga ai.

Hpang e grai na mat wa ai shaloi, (Singhpaw) ni, Chyinghpaw ni, Jinghpaw ni, Maru, Lashi, Gauri, Azi, nga nna amyu myu mying ai lam hpe chye sagawn tim, Inglik Asuya ni a Rung kaw gaw “Kachin”ngu ai sha rawng nga ai re. Jinghpaw ni a lam hte seng nna ( Kachin) ngu ai chyu sha, dai ni du hkra tsun nga ai re nga nna, “The Kachins” nga ai Inglik laika buk hta mu lu nga ai law. Dai gaw (Kachin) byin wa ai lam rai nga mali ai law.

Duwa Maran Zau Awng

( Matsing: N'dai laika ngau hpe Kachin Net kaw nna la bang da ai.)

Na Matu Lakang Ning Gam Langai Ram Sha Pi Byin Tai Ya Lu Na Matu Myit Mada Let...........Jinghpaw Tingsan

Feb 24, 2014

SUMTSAW MAHKAWN LABAU SUMLA HKRUNG

ka ai ten : 5:11 PM Lit hkam: TS

Anhte Jinghpaw Wunpawng myu sha ni hta e Mahkawn Myu baw hpan grai law nga ai hpe yawng ni chye na re..kanu ,kawa mahkawn ni, karai shakawn mahkawn ni,buga shakawn mahkawn ni ,Ginra buga shakawn mahkawn ni..Sumtsaw mahkaw ni ....

Grai law ai myu baw hpan kaw na Moi de na Jiwoi ni a prat hta Sumtsaw mahkawn ni hpe gara hku san san jai lang wa ai hpe Hkai dan ai Labau gadun langai mi hpe bai chyawm yu la ga..

Na Matu Lakang Ning Gam Langai Ram Sha Pi Byin Tai Ya Lu Na Matu Myit Mada Let...........Jinghpaw Tingsan

Feb 20, 2014

SOI PALAWNG LABAU SUMLA HKRUNG..

ka ai ten : 4:26 PM Lit hkam: TS

Ya dai ni anhte jinghpaw wunpawng myu sha ni a Bu hpun sumri langai rai nga ai Wunpawng Shayi ni a Soi palawng , Soi Kawp labau hpe hkai dan ai sumla hkrung re..Anhte ni Tsawm dik ai..Grai manu dan ai nga na She tsun chyai taw tim Dai Soi palawng ni a labau hpe chye ai ni gaw nlaw na re...

ya ndai Sumla hkrung gaw Miwa ga de na Jinghpaw wunpawng myu sha ni Hkai dan ai sumla hkrung re..anhte Myenmung de na Jinghpaw wunpawng myu sha ni kaw gaw ndai zawn rai labau hpe hkau dan ai sumla hkrung ni...Labau hte seng ai lam hpe htawng madun ai lam ni nau nmu ga shi ai hku re..

dai gaw Anhte a Gawng kya lam rai sam ai..Tinang bu hpun taw ai Soi palawng a labau hpe pi atsawm nchye ai Wunpawng Myu sha ni yawng yu la ga...

*( Jinghpaw Tingsan Mung Jinghpaw Tingsan Nhpye a labau hpe nchye ai wa re..du sa manang ni kaw nga yang gaw Lam naw madun da rit..)

Na Matu Lakang Ning Gam Langai Ram Sha Pi Byin Tai Ya Lu Na Matu Myit Mada Let...........Jinghpaw Tingsan

Jan 13, 2014

MUNGCHYING SHAWA DE SHATSAM DAT AI LAM ( Video )

ka ai ten : 5:11 PM Lit hkam: TS

Lai wa sai majan laman hta KIO asuya kaw nna Mungchying shawa masha ni hpang de Shatsam dat ai video labau langai hpe bai mara dat ya nngai law..Tinang hkum tinang jinghpaw wunpawng mungchying masha langai re ngu hkam la jang gaw yu gying ai sumla hkrung re.

Na Matu Lakang Ning Gam Langai Ram Sha Pi Byin Tai Ya Lu Na Matu Myit Mada Let...........Jinghpaw Tingsan

Jan 10, 2014

MALAP NMAI AI MAJAN LABAU SUMLA HKRUNG

ka ai ten : 5:30 PM Lit hkam: TS

Dai ni January ( 10 ) ya hta gaw Anhte jinghpaw wunpawng myu sha ni yawng a matu Ahkyek ai nhtoi langai rai nga ai..Dai zawn re Ahkyek ai Jinghpaw Mungdaw nhtoi hta e nang , ngai yawng malap kau n mai ai labau kaba hpe mara dat ya nngai ..

Byin lai mat wa ai mabyin ni hpe gaw Hkristu a tsawra myit hte mara lu raw ya tim...prat ban law law malap kau lu na nre ai Labau majan sumla hkrung re..Jinghpaw Mungdaw nhtoi hpe nmai malap ai zawn ndai majan ni hpe mung malap kau n mai na re ngu..

Na Matu Lakang Ning Gam Langai Ram Sha Pi Byin Tai Ya Lu Na Matu Myit Mada Let...........Jinghpaw Tingsan

Dec 14, 2013

HTUNGHKYING ATSAM MADUN SHINGJAWNG POI -DVD

ka ai ten : 3:20 PM Lit hkam: TS

Ndai sumla hkrung hpe Maigan du jinghpaw wunpawng myu sha ni Grau Grau na yu Ging ai sumla hkrung re ngu mu mada ai hku re..ya dai ni maigan ga du mat wa ai hpang tinang htunghkying ni hpe ndum mat wa ai lam ni grai law wa nga ai..

Grau na gaw maigan ga hkan shangai wa ai ramma ni ..tinang a daidaw htunghkying ganing re ngu hpe n mu ga mat wa nga ai..lit nga ai kanu kawa ni mung malap mali rai mat wa ai hpang anhte myu ni a htunghkying gaw mat mat wa na re.

dai majaw yawng ni yu ngun hpaji la let tinang a htunghkying hpe tsawra chye ai myu sha ni byin tai wa ga...

Na Matu Lakang Ning Gam Langai Ram Sha Pi Byin Tai Ya Lu Na Matu Myit Mada Let...........Jinghpaw Tingsan

Jun 11, 2013

HKRUM LAM NA BAI WA SAI..

ka ai ten : 5:34 PM Lit hkam: TS

Lai wa sai n htoi ni hta jinghpaw tingsan Bu hkawm taw ai majaw Blog hpe update n lu galaw ai majaw Du sa manaw manang ni yawng hpe hpyi nem dat nngai law..ya gaw n ta bai du wa sai majaw blog hpe update bai galaw mat wa na nngai.

Germany Mungdan kaw hpu nau hkang ni woi galaw ai CCG cup hta e germany du wunpawng myu sha ni saw shaga ai majaw anhte KCNL ni hku na sa shang ginsup lawm ai gawdin shing jawng poi kaw du taw ai majaw rai nga ai..

anhte wunpawng myu sha ni myit hkrum let Awng padang hpe dip la let Germany mungdan kaw labau ningnan gaw gap la lu saga ai..anhte myu sha ni yawng Du ai shara kaw myit hkrum ga..saiga shaga ga..ngu n gun jaw mayu nngai..yawng ni yu chyai na matu sumla slide show hpe mara dat ya nngai,,

Mar 5, 2013

MALI HKANU YUPMANG ZAWN ( Maumwi - audio )

ka ai ten : 6:29 PM Lit hkam: TS

Moi Moi de na jinghpaw sumrai maumwi langai hpe audio hte bai madat marit maroi chyai lu na matu mara dat ya nngai..moi de na mying kaba ai yu-ngwi ninghkring kaba tingkaw tawng, brang nan. hkun bawm ni shang lawm n sen bang da ya ai hku re..

moi na ni gaw n sen hte mahkawn hkawn ai sha n galaw ai hpe chye lu ai majaw grai kabu ai..jinghpaw tingsan gaw kalang pi n na ga shi ai n dai baw jinghpaw maumwi hpe n sen hte shapraw da ai hpe..

blog du sa manaw manang ni mung rau ai ten hta jinghpaw maumwi bai madat chyai let moi na jiwoi jiwa ni maumwi hkai dan ai zawn nga hkam sha marit maroi yu ga i.yawng hpe grai chyeju kaba sai law..

Dec 21, 2012

HPALAP HTU SHA POI ( Htung hkring sumla hkrung )

ka ai ten : 4:06 PM Lit hkam: TS

Anhte jinghpaw wunpawng myu sha ni kaw poi kaba lamang myu baw hpan law law nga ai kaw na Manau poi kaba gaw mying kaba ai hte maren mungkan ting chye ai poi kaba langai mung rai nga ai..

dai zawn rai poi lamang ni law law nga ai kaw na hpalap htu sha poi ngu ai mung ramma manaw manang ni a matu myit shang sha hpa poi langai re ngu hpe sak hkung myu ga shapoi dap kaw na htawng madun mat wa ai sumla hkrung langai hpe yu yu ga..

an hte myenmung de na jinghpaw ni mung n dai zawn anhte buga hpe shagrau ai ..htung hkring hte myu sha lam ni hpe documentary hku na gayet madun lu yang gaw grai gaja na re ngu mu mada ai hku re..ya n dai sumla hkrung gaw miwa mung de na jinghpaw ni a program langai kaw na rai nga ai..yawng ni yu n gun hpaji la ga..

Nov 20, 2012

MANGSHI BUGA NA MANGAI TEN ( Sumla hkrung )

ka ai ten : 3:35 PM Lit hkam: TS

Sakhkung Mung Ga shapoi dap kaw na shapoi madun dan mat wa ai mangshi buga a mangai ten ni hpe shagrau da ai sumla hkrung langai hpe bai chyawm yu n gun jaw la ga..
ndai sumla hkrung hpe yu ai shaloi n ta de grai dum marit wa ai hte buga hpe myit shingran let garen gari nga grai hkam sha wa ai ..

n dai zawn anhte wunpawng myu sha ni a htung hking lam , sut masa lam , buga lam, gaga baw hpan myu myu ni hpe htawng madun dan ya taw ai n dai lamang hpe grai yu n gun lu ai hku re..n dai sumla hkrung a hpang jahtum de na ( ah Ga Ga ) ngu ai gamung gadun lamang hpe mung grai yu ra ai ..mani hpa shachyoi let hpaji jaw ai ladat mung rai nga ai..
n dai sumla hkrung kaw na shat shamai malu masha ni hpe mung marit maroi she nga mat sai ..

myenmung de na wunpawng myusha ni gaw n dai zawn galaw da ai hpe n mu hkrup shi ai hku re..yawng ni tinang a mangai ten ni hpe gara hku lai di mat wa sai kun ngu ..she marit dat yu ga..

Nov 9, 2012

NANG JINGHPAW RAI YANG YU LA GA..( Documentary )

ka ai ten : 5:18 PM Lit hkam: TS

Miwa mung ying chan ginwang kaw na jinghpaw wunpawng prat dep ramma yungwi ninghkring group langai mi hte rau an hte jinghpaw wunpawng myu sha ni yawng a htung hkring langai rai nga ai tsa lu ai hpaji hpe sakhkung myu ga shapoi dap kaw na sang lang dan mat wa ai documentary sumla hkrung langai mi hpe mara dat ya ai hku re..ndai sumla hkrung hpe gaw miwa website langai mi kaw na download galaw la ai re..

tingsan langai hkrai ai ningmu ....
ya ante myenmung kata de na jinghpaw wunpawng myu sha ni gaw n dai zawn rai na a tsam rawng ai ramma ni hpe shawa masha man de a lang mi rai na madun dan ai lam ni hta grai naw gawn kya ai lam hpe mu lu ai hku re..

shada da n gun jaw hkat , garum shing tau la let lam woi madun ai lam ni hta mung ra rawng ai lam grai naw nga nga ai ..
maigan du ai jinghpaw wunpawng myusha ni mung maigan ga shaga ma..maigan a rawn a lai ni hpe jai lang mat wa ai hpang..... ? ? ?

Sep 5, 2012

BUGA N SEN ( DVD + MP3 )

ka ai ten : 12:43 PM Lit hkam: TS

Du sa manaw manang ni a matu buga n sen ngu ai jinghpaw mahkawn album langai hpe bai mara dat ya sai hku re..n dai mahkawn album hpe gaw sakhkung mungdaw manau buga n shawn ginwang htunghking hpung kaw na shapraw dat ai VCD album langai rai nga ai..
n dai album hpe madat yu ai shaloi an hte wunpawng myu sha ni a yu-ngwi nsen jet jet ni hpe na lu na hku re..manau nau mahkawn , htawng ka ka mahkawn, wunpawng mahkawn jet jet ni nan hkrai lawm ai VCD langai rai nga ai..

mahkawn album hpe VCD hte rau Mp3 hku na mung hpan 2 mara dat ya ai hku re..yawng ni tinang htung n sen hpe tsawra chye ai ni rai wa u ga..

May 30, 2012

JINGPO FASHION SHOW

ka ai ten : 6:08 PM Lit hkam: TS

2010 ning miwa mung hta galaw lai mat wa ai jinghpaw wunpawng myu sha ni a bu hpun sumri hte tsawm htum shayi poi lamang hpe s.hk hparat ning hkong shangui ginra hta madun mat wa ai video hpe bai mara dat ya ai hku re..
2010 ning na re majaw yu ngut ai ni grai law na sai..ngai gaw ya she mu ga ai majaw youtube kaw bai mara dat ai sha re..jinghpaw wunpawng myu shayi ni grai tsawm ai ,an hte a htung hking bu hpun sumri ni mung grai tsawm ai..fashion hpe myit lawm ai ni gaw yu chyai ga..yawng hpe grai chyeju gaba sai ...

May 29, 2012

NANG JINGHPAW RAI YANG YU LA GA..

ka ai ten : 5:43 PM Lit hkam: TS

Ya dai ni an hte jinghpaw wunpawng myu sha ni yawng myit hkrum let manau poi gaba ni galaw ai..manau hpan myu myu hte nau lai wa ai hpe mung yawng chye nga sai hku re..rai tim an hte a manau shadung kaw kap nga ai maka ni..manau a lachyum ni, manau htung hking ni hpe chye ai masha gaw grai n nga na re..

shadan buga kaw na manau htung hking lai li ni hpe sang lang dan ai video sumla hpe miwa ga na s.hk hparat ning hkong shangui ginra kaw madun mat wa ai video hpe bai mara dat ya ai hku re..
manau sha gaw nau kau da ga sai,, rai tim manau a lachyum ni, manau maka ni hpe a tsawm n chye ai nga yang maigan myu sha ni hpe bai sang lang dan ai shaloi ra rawng ai lam ni hkrum wa na rai nga ai ..
ya dai ni nang ngai yawng chye da ra ai labau langai rai na re..shut shai ai lam nga yang ngai jinghpaw tingsan a ra rawng ai lam she rai na re ..yawng hpe grai chye ju gaba sai..

May 21, 2012

景颇姑娘 KACHIN GIRL ( sumla hkrung )

ka ai ten : 6:27 PM Lit hkam: TS

Youtube kaw e wam hkawm ai shaloi moi moi na jingpo ( jinghpaw ) sumla hkrung langai hpe mu wa ai hku re..mi wa mung kaw na jingpo num kasha langai a lam rai sam ai :P ngai mi wa ga n chye di n dai sumla hkrung a lachyum hpe a tsawm n chye na ai hku re..
mi wa mung kaw na an hte jinghpaw ni a lam hpe mu lu ai majaw tinang a labau hte seng ai ngu n na du sa manaw manang ni yawng hpe bai mara dat ya ai hku re..yu ngut ai ni mung nga yang nga na re..bai yu yu ga.
ps - n dai sumla hkrung hpe yu ngut na , mi wa ga chye na ai manang wa rai yang gaw chyeju hte lachyum hpe comment naw jaw da ya rit le..hpang e sa yu ai manaw manang ni mung n dai sumla hkrung a lachyum hpe comment kaw mai hti la na chye na lu na rai nga ai ..yawng hpe grai chyeju gaba sai,.

Apr 30, 2012

NANG JINGHPAW RAI YANG YU LA GA..

ka ai ten : 3:39 PM Lit hkam: TS

Wunpawng jinghpaw a myu sha ni a ginru ginsa labaw lam hpe sara htoi man hku na sawk sagawn da ai sumlahkrung hpe yu yu ga..dai ni shara shagu de chyam bra nga ai an hte jinghpaw wunpawng myu sha ni gaw ganing re shara kaw na yu hkrat wa ai ta..

n dai sumla hkrung hpe yu n na ngai jinghpaw tingsan mung gasan grai pru wa ai zawn..
an hte jinghpaw wunpawng myu sha ni gaw miwa ga de na yu hkrat wa ai ni kun..
tibet hpu nau ni hte mung a ga n kau mi bung taw ai hpe mu lu ai da.
n dai video kaw ka da ai jinghpaw laika hte ya ngai ka taw ai laika si ni shai taw ai lam.
ganing rai na miwa ga na myenmung de du mat ai ta.sammung de na jinghpaw ni gaw gadai ni ta..
jinghpaw labau hpe tsun ai ,hkai ai mung langai hte langai hpa na n bung taw ai kun..mau mwi ni zawn zawn gaja zawn zawn..majoi shingra bum kaw na yu hkrat wa ai nga na dai majoi shingra bum gaw gara kaw rai..?
ya an hte prat kaw pi labau chye ai masha nau n nga wa sai nga yang hpang na generation hta gaw gara hku rai wa na.
du sa manaw manang ni mung myit yu sawn yu ga..